Müəssisə cari istehsal ehtiyaclarını ödəmək, gecə-gündüz istehsal prosesini təşkil etmək və gələcək texniki inkişaf üçün zəruri olan bütün növ rabitə vasitələri ilə təmin edilmişdir. FİTOLAB MMC-nin hazırkı istehsal kompleksinin əsasını dərman çayının, bitki şərbətlərinin, müxtəlif növ kosmetik gellərin, həmçinin kapsullaşdırılmış dərman vasitələrinin istehsalı, ilkin və ikincili qablaşdırmada qablaşdırılması sahəsi təşkil edir. Xammal, material və hazır məhsulların keyfiyyətinə nəzarət Səhiyyə Nazirliyinin komissiyası tərəfindən sertifikatlaşdırılmış keyfiyyətə nəzarət şöbəsinin (kimyəvi, farmakoloji, mikrobioloji) laboratoriyalarında həyata keçirilir.